Trajnime

“Groëth Hub” – Inkubator

Drejtoria e Zhvillimit Ekonomik Urban dhe Agjensia e Rinisë, Bashkia Tiranë, mbështetur nga projekti “IDEA”, financuar nga GIZ-i, sipas metodologjisë CEFE International, organizuan “Groëth Hub” – Inkubator. Një hapësirë zhvillimi, komunikimi dhe shkëmbimi të njohurive, për të mbështetur zhvillimin ekonomik dhe fuqizimin e sipërmarrësve të rinj dhe ekzistues në zhvillimin e ideve të tyre dhe transformimit në biznese fitimprurëse dhe të qëndrueshme.
Nëpërmjet këtij projekti, të rinj studentë, biznese të vogla aktuale dhe të kthyer nga emigracioni, iu ofrua mundësia të përfitojnë një paketë të plotë teknike në trajnim, këshillim si edhe në hartimin dhe zhvillimin e një BiznesPlani të suksesshëm, dhe aksesin në skemat financiare të Grantit dedikuar për pjesmarrësit e certifikuar IDEA.
Ky projekt, në përputhje me Strategjinë e Zhvillimit Ekonomik të Bashkisë Tiranë, bazohet në metodologjinë e suksesshme CEFE, e cila është një metodologji trajnimi me pjesëmarrje shumë aktive dhe e orientuar drejt veprimeve, e përdorur në më shumë se 70 vende në mbarë botën. Ajo përfshin përvojë teorike dhe praktike për të mbështetur zhvillimin e ideve dhe planeve të qëndrueshme të biznesit.

Java e parë e trajnimeve

Java e parë e trajnimeve u zhvillua në tre ditë, të premten, të shtunën dhe të dielën.


Pas prezantimit me temat e trajnimit, projektin IDEA dhe metodën, që do ndiqej në ditën në vazhdim, në ditën e dytë pjesëmarrësit u trajnuan në realizimin ë një “Marrëveshjeje të Mirë”, si të zgjidhin problematikat e ndeshura në startin e një biznesi dhe rritjen e kreativitetit në ofrimin e produktit ose shërbimit të menduar.
  

Në ditën e tretë dhe me anë të lojërave u munduan të identifikonin bashkë me trajnerët e IDEA, të gjitha karakteristikat, që e bëjnë një spërmarrës të suksesshëm.

Java e dytë e trajnimeve

Java e dytë u zhvillua gjithashtu në 3 ditë kalendarike.
 
Në dy ditët e para, trajnimi kishte në focus inovacionin, ku nëpërmjet lojërave dhe brainstorming, pjesëmarrësit zhvilluan kreativitetin e tyre dhe ndanë mes tyre të rejat, që do sillnin në treg idetë e tyre të biznesit.


Në ditën e fundit të këtij moduli, u njohën me strukturën e një biznesplani të plotë dhe fitues. Zbërthyen në vija të përgjithshme zërat e tij dhe sesi mund ti plotësonin në bazë të idesë së gjithsecilit.
 

Java e tretë e trajnimeve

Kjo javë përqendrua në trajnimin specifik të tabelave financiare dhe realizimin e një plani financiar.


 Si gjithmonë, trajtimi i këtyre temave, u relizua nëpërmjet metodës CEFE, që konsiston në disa lojëra me qëllim përvetësimin e modulit në formë praktike nga pjesëmarrësit.
 

Java e katërt e trajnimeve

Java e fundit u zhvillua në dy ditë kalendarike.


 Në këto ditë, u zbërthye më specifikisht secili zë i Planit të Biznesit, duke e analizuar dhe modeluar në bazë të shembujve të marrë nga idetë e pjesëmarrësve.


 Gjithashtu, u trajtuan pyetjet e lindura nga gjithsecili, në hartimin e Biznes - Plan-it personal.