Trajnime dhe Workshope të Zhvilluara në Fushën e Diasporës dhe Migrimit

Në kuadër të funksioneve të reja që janë shtuar në fushën e Diasporës dhe Migracionit, Bashkia Tiranë ka qënë pjesmarrëse në trajnime dhe workshop-e të zhvilluara me tematika të ndryshme, si më poshtë:

1. Trajtim i zhvilluar në kuadër të projektit “Forcimi i kapaciteteve institucionale për Qeverisjen e Migracionit në Shqipëri”, si pjesë e misionit të Organizatës Ndërkombëtare të Migrimit (IOM)

Në Korrik 2021, Bashkia Tiranë ka marrë pjesë në trajnimin treditor të zhvilluar në kuadër të Projektit “Forcimi i Kapaciteteve Institucionale për Qeverisjen e Migracionit në Shqipëri”, financuar nga Fondi i Zhvillimit i IOM, në koordinim me Ministrinë e Brendshme dhe Shkollën Shqiptare të Administratës Publike (ASPA).

Ky trajnim tre ditor ka pasur si synim që të njohë pjesëmarrësit me aspekte të ndryshme të Qeverisjes së Migracionit dhe që të sigurohet një vazhdimësi në rritjen e kapaciteteve të stafit të institucioneve publike përgjegjëse për zbatimin e Strategjisë Kombëtare për Migracionin (2019-2022) dhe Planit të Veprimit.

2. Workshop i zhvilluar në kuadër të projektit "Drejt Bashkëpunimit Ndër-Institucional në Fushën e Migrimit"
   

Në 11 Qershor 2021, Bashkia Tiranë në Bashkëpunim me Institutin për Bashkëpunim dhe Zhvillim (CDI), kanë zhvilluar Workshopin në kuadër të projektit "Drejt Bashkëpunimit Ndër-Institucional në Fushën e Migrimit", si pjesë e iniciativës të Organizatës Ndërkombëtare të Migrimit (IOM-UN).    

Ky projekt ka për synim shkëmbimin e eksperiencave më të mira në hartimin e politikave lokale me fokus menaxhimin e migracionit mes Bashkive në Bologna, Milano dhe Tiranë, si dhe mbështetjen e Bashkisë Tiranë në zbatimin e kompetencave të reja ligjore kombëtare në këtë fushë.

3. Trajnimi me tematike "Kthimi, Riintegrimi dhe Angazhimi i Diasporës në Zhvillimin Lokal duke frymëzuar praktikat më të mira"

Në Maj të vitit 2021, Bashkia Tiranë ka qënë pjesëmarrëse në trajnimin e zhvilluar me tematike "Kthimi, Riintegrimi & Angazhimi i Diasporës në Zhvillimin Lokal duke frymëzuar praktikat më të mira", nga GIZ në bashkëpunim me Ministrinë e Shtetit për Diasporën dhe Ministrinë e Brendshme të Shqipërisë.

Ky trajnin ka pasur si synim që të rrisë njohuritë dhe aftësitë e Qeverive Vendore partnere, me qëllimin zhvillimin e politikave efektive të cilat promovojnë riintegrimin e të kthyerve në tregun lokal të punës dhe për të përfshirë kapitalin e Diasporës në Agjendën e Zhvillimit Lokal.

4. Trajnimi me tematikë “Qeverisja e Migracionit, Migrimi dhe Zhvillimi me fokus në Përfshirjen e Diasporës dhe të Dhënat e Migrimit”
Në Dhjetor 2020, Bashkia Tiranë ka marrë pjesë në trajnimin “Qeverisja e Migracionit, Migrimi dhe Zhvillimi me fokus në Përfshirjen e Diasporës dhe të Dhënat e Migrimit”.

Ky trajnim është zhvilluar në kuadër të programit “Migracioni dhe Diaspora”, i implementuar nga Bashkëpunimi Gjerman GIZ Albania, me qëllim shfrytëzimin e ndikimit pozitiv të migrimit të rregullt dhe angazhimit të diasporës për ta çuar përpara zhvillimin ekonomik dhe shoqëror në vend. 

 

Qeverisja lokale me funksionet e reja është një ndër aktorët kryesorë mbështetës në fushën e diasporës dhe migracionit.