Bashkia Tiranë shpall vende vakante në tregjet publike

  • Kreu
  • Shërbimet Publike
  • Njoftime/Sondazhe
  • Njoftime
  • Bashkia Tiranë shpall vende vakante në tregjet publike
Text size
Aa Aa

NJOFTIM

Mbështetur në  Ligjin nr.139/2015, datë 17.12.2015 për “Vetqeverisjen Vendore”, Vendimit të Këshillit të Ministrave nr.1096, datë 28.12.2015 për “Miratimin e rregullave, kushteve e procedurave për përdorimin dhe manazhimin e hapësirës publike”, Vendimit të Këshillit Bashkiak nr. 59, datë 30.12.2015 për “Sistemin e taksave dhe tarifave vendore në Bashkinë e Tiranës“ (i ndryshuar), si dhe në zbatim të nenit 40, të Vendimit nr.130, datë 15.11.2018 të Këshillit Bashkiak për miratimin e rregullores për “Kushtet dhe rregullat e zënies së hapësirës publike në Bashkinë e Tiranës”, Bashkia Tiranë cdo fillim viti shpall numrin e vendeve bosh në tregjet publike si më poshtë:

  • Në tregun pranë “Pazarit të Ri”, Njësia Administrative Nr.3,                                 54  vende
  • Në tregun pranë rrugës “Petro Nini Luarasi”, Njësia Administrative Nr.2,        32   vende
  • Në tregun pranë rrugës “Mine Peza”, Njësia Administrative Nr.10,                     50  vende
  • Në tregun pranë rrugës “4 Dëshmorët”, Njësia Administrative Nr.3,                 50   vende
DOKUMENTACIONI I NEVOJSHËM PËR APLIKIM
  • Deklaratë e përgjegjësisë së aplikuesit;
  • NIPT/ Fotokopje e leternjoftimit ID;
  • Planvendosja me vendin/et e tregtimit firmosur dhe vulosur nga person i  licencuar në këtë fushë (e vlefshme për tregjet);
  •  Skica ose projekt tё pajisjes pёr njёsinё e tregtimit ambulant;
  • Librezën shëndetsore në rastet e tregtimit të mallrave ushqimor (fotokopje e noteruar);
  • Lista e produkteve merceologjike;
  • Si dhe cdo dokument tjetër bazuar në VKB.
     
Në miratimin e kërkesës për plotësimin e vendeve të tregtimit në këto tregje do të ndiqen në mënyrë transparente plotësimi i kushteve nga çdo aplikant. Në vleresim/kualifikim u jepet përparësi në radhë rëndësie: (i) plotësimit të dokumentave të kërkuar, (ii) datës së paraqitjes të kërkesës (e para hyn e para del), (iii) vjetërsisë në ushtrimin e tregtisë në atë treg ose (iv) si ambulant.


Për informacione të mëtejshme referohuni materialit në vijim :  Vende vakante në tregjet publike