VIZITË NË TIRANË E PARTNERËVE TË PROJEKTIT “Kryeqytetet bashkëpunojnë për sfidat e përbashkëta në menaxhimin e mbetjeve të rrezikshme - Jerevan, Varshavë, Tiranë”

VIZITË NË TIRANË E PARTNERËVE TË PROJEKTIT “Kryeqytetet bashkëpunojnë për sfidat e përbashkëta në menaxhimin e mbetjeve të rrezikshme - Jerevan, Varshavë, Tiranë”

Drejtoria e Përgjithshme e Integrimit, Planifikimit Strategjik dhe Zhvillimit Ekonomik e Bashkisë Tiranë, me 4-8 Prill 2022, organizoi vizitën e partnerëve nga Jerevan dhe Varshavë në kuadër të projektit “Kryeqytetet bashkëpunojnë për sfidat e përbashkëta në menaxhimin e mbetjeve të rrezikshme - Jerevan, Varshavë, Tiranë”.

Pjesë e axhendës së vizitës ishin takimet me përfaqësues të lartë të Bashkisë Tiranë, Zëvendës Ministren e Turizimit dhe Mjedisit Znj. Ornela Cuci, përfaqësues të shoqërisë civile si dhe aktorë te tjerë në fushë.

Z. Genci Kojdheli Drejtor i Përgjithshëm i Integrimit Planifikimit Strategjik dhe Zhvillimit Ekonomik i Bashkisë Tiranë, theksoi rëndësinë e projektit si një ide inovatore dhe të rëndësishme për jetën e qytetarëve të Tiranës.

Znj. Ornela Çuci, Zvendës Ministre e Turizimit dhe Mjedisit, pasqyroi angazhimin e qeverisë qëndrore në lidhje me menaxhimin e mbetjeve të integruara nëpërmjet paketës ligjore. “Menaxhimi i mbetjeve është një nga prioritetet e qeverisë Shqiptare” u shpreh Znj. Çuçi.

Organizimi i trajnimit me përfaqësues të shoqërisë civile dhe institucioneve lokale në nivel vendor me datë 6 prill 2022 ishte pjesë e axhendës një javore të partnerëve nga Jerevan dhe Varshavë.
Trajnimi trajtoi tematikat si: prezantimit të konceptit dhe praktikave të 5R-ve zbatimin e tij në praktikë, si dhe mundësitë dhe sfidat që lidhen me zbatimin e plotë të tij në nivel lokal/kombëtar, rregulloret dhe Bazën ligjore të BE, Prioritetet dhe elementet e sistemit të menaxhimit modern të MWM/HHWM, e ardhmja e riciklimit si dhe prezantimi i përgjithshëm i projektit, objektivat, aktivitetet dhe rezultatet.

Nëpërmjet trajnimit pjesëmarrësit morën njohuri se si mbetjet shtëpiake mund të trajtohen në mënyra inovative dhe efektive brenda sistemeve në nivel lokal dhe sisteme të tjera. Ky trajnim ishte një mundësi për të diskutuar çështjet kryesore lidhur me bazën ligjore, politikat dhe praktikat aktuale lokale/kombëtare dhe për të identifikuar fushat kryesore të kapaciteteve dhe boshllëqet që lidhen me Menaxhimin e Mbetjeve dhe Menaxhimin e Mbetjeve të Rrezikshme.

Vizita në landfillin e “Sharrës” për partnerët e projektit pati shumë interes, ku patën mundësi të shihnin nga afër vendgrumblullimin e mbejtjeve, si dhe u njohën me projektin dhe rezultatet e pritshme të projektit.

Projekti “Kryeqytetet bashkëpunojnë për sfidat e përbashkëta në menaxhimin e mbetjeve të rrezikshme - Jerevan, Varshavë, Tiranë” është krijuar për të sjellë përmirësime të konsiderueshme në MMR, duke siguruar zgjidhje inovative dhe bashkëpunuese për qeveritë lokale, kompanitë dhe qytetarët.

Projekti synon të:
1) Forcojë aspektet e qeverisjes lokale të bazuar në prova përmes zgjidhjeve teknike dhe organizative për MMR,
2) Të rrisë ndërgjegjësimin dhe pjesëmarrjen e qytetarëve në menaxhimin e mbetjeve të rrezikshme si dhe

3) T’i japë përparësi menaxhimit efektiv të mbetjeve të rrezikshme në qytetet partnere.
https://www.facebook.com/100067909027837/posts/314205930853039/?d=n