Shpërndaje
Në kuadër të reformës administrativo-territoriale, Bashkisë Tiranë nëpërmjet Vendimit të Këshillit të Ministrave nr. 433, datë 08.06.2016 “Për trasferimin në pronësi të Bashkive të pyjeve dhe kullotave publike, sipas listave të inventarit dhe aktualisht në administrim të Ministrisë së Mjedisit dhe të ish komunave/bashkive”, i kanë kaluar në pronësi sipërfaqet e fondit pyjor e kullosor në territorin e Bashkisë.
Planifikimi afatgjatë i qeverisjes së pyjeve dhe kullotave për një periudhë 10-15 vjet duhet të mbulojë të gjitha aspektet sociale, ekologjike dhe ekonomike, të cilat bëhen nëpërmjet planeve të mbarështimit të ekonomive pyjore dhe kullosore.
Por ç’far janë planet e mbarështimit ?.
Plani i Mbarështimit (Menaxhimit) të Pyjeve dhe Kullotave, është një dokument bazë për mbarështimin e pyjeve i hartuar sipas njësive të ekonomisë pyjore me punime terreni e zyre, për njohjen dhe marrjen e të dhënave për tokën, klimën, faunën, biodiversitetin, grumbullin pyjor etj, si dhe masat që parashikohen për administrimin dhe qeverisjen e qëndrueshme të fondit pyjor, organizimin e prodhimit dhe planifikimin e punimeve të ndërthurura të nevojshme silvikulturore.
Duke patur parasysh se planet e Inventarizimit (Mbarështimit), janë hartuar në vitin 1985 dhe si rezultat afati kohor i tyre ka skaduar dhe duke patur parasysh se gjatë këtyre viteve në këto ekonomi pyjore kanë ndodhur ndryshime të mëdha, të cilat kanë ardhur si rezultat i shfrytëzimeve të lëndës drusore, ndërhyrjeve të paligjshme, dëmtimet nga rënia e zjarreve, zënia e sipërfaqeve pyjore me anë të shpyllëzimeve (kthimi i tyre në vreshta, apo pemtari), ndryshimet në sipërfaqe dhe volum etj..., të cilat nuk janë pasqyruar në mënyrë të saktë në regjistrat kadastral të fondit pyjor e kullosor ndër vite (në zona të veçanta edhe nuk janë raportuar fare).
Deke patur parasysh këto fakte, Bashkia Tiranë me fondet e saj ndërmori nismën për hartimin e planeve të mbarështimit të pyjeve dhe kullotave, ku aktualisht kanë përfunduar 3 planet e para për ekonomitë pyjore “Fag”, “Baldushk” dhe “Rove-Lunxh”.
Për hartimin e planeve të mbarështimit të pyjeve dhe kullotave është përdorur kuadri ligjor përkatës:
- Ligji Nr. 9385 datë 4.5.2005 “Për pyjet dhe shërbimin pyjor”, i ndryshuar;
- Ligji Nr. 9643, datë 20.11.2006 “Për prokurimin publik”, i ndryshuar;
- Vendimi i Këshillit të Ministrave Nr. 914, datë 29.12.1014 “Për miratimin e rregullave të prokurimit publik”, i ndryshuar;
- Vendimi i Këshillit të Ministrave Nr. 433, date 08.06.2016 për “Transferimin në pronësi të bashkive, të pyjeve dhe kullotave publike, sipas listave te inventarit, dhe aktualisht në administrim të Ministrisë së Mjedisit e të ish Komunave/ Bashkive”;
- Vendimi i Këshillit të Ministrave Nr. 361, datë 12.05.2010, “Për miratimin e tarifave të shërbimeve profesionale që kryhen në fondin pyjor e kullosor publik”;
- Manuali i Mbarështrimit të Pyjeve miratuar nga Këshilli shkencor pranë Institutit të Kërkimeve Pyjore dhe Kullotave me Udhëzimin Nr. 1, datë 28.03.2001;
- Urdhër i Kryetarit të Bashkisë Tiranë Nr. 14521/1, datë 27.04.2018, Për “Ngritjen e grupit të punës, për përllogaritjen e fondit limit dhe përcaktimin e termave të referencës për procedurën e hartimit të planeve të mbarështimit, të ekonomive pyjore”.
Proçedura e dhënies me kontratë qiraje e fondit pyjor e kullosor.
Dhënia në përdorim e fondit pyjor e kullosor, bëhet duke u mbështetur në Udhëzimin e Ministrit të Mjedisit nr. 1, datë 09.06.2016 Për rregullat, proçedurat e kërkimit, të shqyrtimit e të miratimit të kërkesave për dhënie në përdorim të fondit pyjor e kullosor publik.
Në bazë të këtij udhëzimi subjekti kërkues duhet të paraqisi këto dokumenta :
Paraprakisht,
Pranë Bashkisë Tiranë paraqiten dokumentat si më poshtë:
1. Kërkesa (Aktiviteti që do të kryet)
2. Dy kopje të hartës topografike në shkallë 1 : 25 000 (koordinatat gjeografike, metrik) me kufij të përcaktuar qartë, sipërfaqen e shprehur në (ha), me qëllim identifikimin e sipërfaqës në terren dhe konfirmimin e pronësisë mbi këtë sipërfaqe.
3. Dy kopje të planit të rilevimit të sipërfaqes së kërkuar në shkallë 1 :2 500.
4. Statusin e pronës nga Agjencia e Trajtimit të Pronave (ATP), ku të mos ketë pronar të mundshëm ose ne proces.
5. Statusin e pronës nga Agjencia e Kadastrës Tiranë, ku sipërfaqet e kërkuara te rezultojnë të regjistruara si pyje, apo kullote.
Mbas shqyrtimit të kërkesës nga ana e specialistëve të fushës, subjekti kërkues duhet:
Referuar kërkesës, mbasi të kryhet verifikimi në terren dhe nëse rezulton se sipërfaqja e kërkuar ndodhet në fondin pyjor e kullosor, si dhe pas pregatitjes së dokumentacionit të nevojshëm nga ana jonë, sipërfaqja e kërkuar do të nxirret në konkurim publik, në bazë të Udhëzimit të Ministrit të Mjedisit nr. 1, datë 09.06.2016 “Për rregullat, procedurat e kërkimit, të shqyrtimit e të miratimit të kërkesave për dhënien në përdorim të fondit pyjor dhe kullosor publik”, pikat 10 dhe 11 të udhëzimit, ku subjektet pjesmarrëse duhet të paraqesin dokumentacionin si vijon:
a) Kërkesë së bashku me të dhënat për gjeneralitetet e subjektit;
b) Ekstraktin e regjistrimit në QKR për objektin e veprimtarisë;
c) Projektin teknik të hartuar nga specialistë të licensuar ku janë trajtuar të gjithë elementët e nevojshëm për zhvillimin e veprimtarisë së kërkuar;
d) Planbiznesin dhe investimet që do të bëhen;
e) Të dhënat për kapacitetet ekonomike, stafin, makineritë dhe pajisjet që zotëron;
f) Planin e rehabilitimit të sipërfaqes dhe kthimin e saj në gjendjen e mëparshme;
g) Nivelin e punësimit në veprimtari;
h) Lejen mjedisore për aktivitetin e kërkuar;
i) Çmimin e qerasë të ofruar për ha/vit;
j) Garanci financiare të mjaftueshme për përballimin e investimeve të parashikuara në plan biznes (vërtetim bankar);
k) Kontrata e punës me një specialist të fushës dhe CV personale të specialistit;
l) Vërtetim nga organet shtetërore se subjekti nuk ka procese gjyqësore në ngarkim, hetim në proces, detyrime tatimore ose detyrime ndaj të tretëve;
Nga Bashkia Tiranë janë lidhur 2 kontrata për fondin pyjor e kullosor në ekonominë pyjore “Krrabë-Gurrë”, me një afat kohor prej 10 vjetësh, duke u mbështetur në VKM nr. 1064, datë 22.12.2010, Për disa ndryshime në vendimin nr.391, datë 21.06.2006 të Këshillit të Ministrave “Për caktimin e tarifave në sektorin e pyjove dhe të kullotave”
Baza ligjore është:
• Udhëzimin e Ministrit të Mjedisit nr. 1, datë 09.06.2016 Për rregullat, proçedurat e kërkimit, të shqyrtimit e të miratimit të kërkesave për dhënie në përdorim të fondit pyjor e kullosor publik.
• VKM nr. 1064, datë 22.12.2010, Për disa ndryshime në vendimin nr.391, datë 21.06.2006 të
Këshillit të Ministrave “Për caktimin e tarifave në sektorin e pyjove dhe të kullotave”
Shpërndaje