Chateau Fasel ka një sipërfaqe prej 3500 m², ku 900 m² janë ndërtuar me gurë shkëmborë me dy oborre të mëdhenj të ndërtuara në fund të restorantit dhe konceptimi i tyre ofron një kombinim të modernes dhe antikes. Ambjenti ku agroturizmi është vendosur ka përreth pemë, male, kodra dhe një liqen të mrekullueshëm, ku mbizotëron ajri i pastër, qetësia dhe relaksi. Hapësira më e bukur për vizitorët është se përreth gjenden shumë plantacione ulliri më shumë se 1000 vjeçare. 

Chateau Fasel ofron 9 ambjente akomodimi, 3 ambjente të veçuara që kanë një koncpetim të brendshëm tradicional që korrespondon me tri rajonet kryesore të Shqipërisë, pjesën veriore, jugore dhe të mesme. 

Kuzhina që ky agrobiznes ofron është tradicionale shqiptare por dhe italiane, me përzgjedhjen e  mishit, djathrave dhe produkteve të freskëta të serave nga familjet e zonës përreth. Pija kryesore e përdorur në restorant vjen nga përzgjedhja e verave më cilësore që prodhohen në vreshtat e Kantinës Dogjani . 

Chateau Fasel mikëpret turistët dhe vizitorët nga e gjithë bota që vijnë në Tiranë për të njohur kulturën, kuzhinën dhe traditën tonë. E gjithashtu ofrojnë për vizitorët  ecje, ngjitje në atraksionet kryesore të Dajtit që ndodhen pranë agroturizmit.