Memoriali i ndodhur në Parkun e Madh të Tiranës tek Liqeni Artificial nderon tre Rilindësit e shquar  Abdyl, Naim dhe Sami Frashëri. 
Vëllezërit Frashëri, përbëjnë trinomin e veçantë të historisë, kulturës dhe letërsisë shqiptare. Kontributi që këta tre figura i kanë dhënë kombit e Atdheut pa dyshim që është kontributi më i çmuar dhe më i rëndësishëm i kohës së Rilindjes Kombëtare Shqiptare ( Rilindja Kombëtare Shqiptare ) në fund të shekullit XIX. 
Abdyli ishte udhëheqësi i Lidhjes së Prizrenit, Samiu ishte propagandues i zjarrtë për një Republikë Shqiptare të pavarur, kurse Naimi ishte i pari poet i madh i gjuhës shqipe.
Memoriali shoqërohet me një grup skulpturor me portretet e tre vëllezërve realizuar nga Odise Paskali me bashkautor Thoma Thomain dhe është përuruar në vitin 1978.