Ky monument është ngritur në nëntor 2012, për të shënuar 100 vjetorin e deklarimit të pavarësisë së Shqipërisë  nga Perandoria Otomane, më 28 nëntor 1912 .

Monumenti i përbërë nga një strukturë çeliku tetë metra e lartë që duket si një shtëpi e prerë  në akset e saj dhe e ndarë në dy pjesë, mbart simbole kombëtare duke përfshirë shqiponjën dykrenore dhe deklaratën e pavarësisë të gdhendur në brendësi të tij.

Arkitekti kosovar Visar Obrija dhe arkitekti gjerman Kai Roman Kikla, të cilët kanë projektuar  këtë monument, janë frymëzuar nga arkitektura tradicionale shqiptare.

Monumenti i Pavarësisë ndodhet  në Parkun “Rinia”, një nga parqet më të frekuentuara në qendër të Tiranës.