Ndodhet në ambientet e Odeonit (Faltorja e Madhe) në Kryegjyshatën Botërore Bektashiane dhe u përurua më 7 shtator 2015 së bashku me Odeonin. 
Muzeu Bektashian prezanton nëpërmjet dokumenteve, fotografive dhe objekteve origjinale historinë e Bektashizmit në shkallë botërore dhe në veçanti  të Bektashizmit shqiptar. Ai është i organizuar në 12 stenda e 12 vitrina, duke respektuar 12 Imamët. Një kënd shumë i rëndësishëm është ai që i kushtohet tolerancës dhe harmonisë fetare, për të cilat ka kontribuar e kontribuon mjaft Kryegjyshata Botërore Bektashiane.
Pjesë e Muzeut Bektashian janë dhe tre ambiente : Oxhak - kafeja, Ashurja dhe Pelegrinazhi. 
Interesante është paraqitja arkitektonike, artistike dhe etike, për ta lehtësuar,  por edhe për ta bërë sa më atraktive vizitën në muze. Vend të rëndësishëm zë lidhja e ngushte e Bektashizmit në Shqipëri me Rilindjen Kombëtare Shqiptare. Krahas veprimtarisë së klerikëve patriotë,  një stendë e posaçme i kushtohet vëllezërve Frashëri ku dallohet kontributi i Naim Frashërit.
Sot ky muze sikurse dhe vete Kryegjyshata vizitohen çdo dite nga shumë vizitorë vendas e të huaj.

Hyrja falas.
Orari: E Hene- E diel: 09:00 – 16:00