Shopping

ONUS - Traditë Mode që prej 1927

Text size
Aa Aa
ONUS prezantimi i markes - Traditë Mode që prej 1927 Në vitin 1927, stilisti Jonuz Pernaska, themeloi Sallonin e parë të Modës në Tiranë, si një atelie projektimi dhe krijimi të konfeksioneve të cilësisë së lartë. Linja e stilimit të ateliesë ishte e bazuar në tekstile të cilësisë së lartë si: mëndafshi, tyli, krem-kadife, tafta edhe në copa të tjera të veçanta, duke bërë që krijimet finale të ishin më tepër, një art. Tekstilet u zgjidhnin nga vetë nga Z. Jonuz dhe vinin kryesisht nga Italia edhe Franca. Atelieja u përqëndrua totalisht në veshje për femra, me modelime unike, që percillnin klas të lartë edhe fisnikëri, aq shumë sa Princeshat e Familjes Mbretërore të kohës, kanë qënë gjithashtu kliente të rregullta të ateliesë. Aktiviteti vazhdoi me ritme të sukseshme, duke u zgjeruar vazhdimisht dhe duke u njohur si një emër klasi, ku përcillej vlerë e shtuar me anë të krijimeve finale unike të realizuara. Ne vitin 1948, me instalimin e sistemit komunist, aktiviteti privat u ndalua dhe borgjezia në Shqipëri u godit. Atelieja u detyrua të mbyllej zyrtarisht, por Jonuz Pernaska e vazhdoi në shtëpinë e tij veprimtarinë të limituar, për një lloj të veçantë klientele, në rrethe miqësore e familjare, si dhe pjesërisht, për parinë e kohës. Në vitin 1971, gjatë një udhëtimi familjar si vizitor në ish-Jugosllavi, në mënyrë të papritur, Jonuzi ndërroi jetë, duke lënë pas një vepër të çmuar në fushën e Modës. Jenka, gruaja e Belit, djalit të madh të Jonuzit, punoi dhe mësoi prej tij, duke ju dedikuar edhe ajo fushës së modës, për kushtet që lejonte ai sistem. Në vitin 2016, familja Pernaska, vendosi të vazhdojë trashëgiminë e lënë nga stilisti i madh Jonuz Pernaska, duke rikthyer aktivitetin e modës nën emrin e markës së parë Shqiptare të modës me emrin ONUS (lidhur me vetë emrin e Jonuzit edhe me domethënien latine "Obligim", "Forcë"), për të përcjellë pasion, art edhe talent në këtë fushë, për brezat e tanishëm edhe të ardhshëm. Marka ONUS është një markë inovative e teknologjisë së lartë, pioniere në teknologjinë më bashkëkohore të printimit 3D dhe integrimit të saj në industrinë e modës për realizimin e krijimeve finale, duke lejuar mundësi të pakufizuar personalizimi mbi to, duke i bërë ato unike. Në mars 2017, markës ONUS ju dha titulli "Sfilata e Parë në Ballkan me Veshje Tërësisht të Printuara 3D" nga komuniteti prestigjoz “3dprint.com” mes një artikull të dedikuar për realizimin e saj në bashkëpunim me eventin ndërkombëtar të bukurisë Miss Globe 2016. Në nëntor 2017, ONUS prezantoi një koleksion të Printuar Pjesërisht në 3D, duke veshur 56 shtete në eventin ndërkombëtar të bukurisë Miss Globe 2017. Kjo pati një ndikim të madh në demokratizimin e kësaj teknologjie duke e bërë atë më të aksesueshëm për publikun. ONUS është një udhëheqës mbarëbotëror në realizimin e krijimeve të Printuara 3D dhe të qepura me dorë të modës së lartë.