Ndodhet në faqen e një shkëmbi masiv në krahun e djathtë së Grykës së Bovillës, në afërsi të fshatit Herraj. Në të djathtë të kanionit të Bovillës rreth 100 m mbi nivelin e lumit ngrihet një shkëmb masiv. Faqja vertikale e shkëmbit është e kthyer nga juglindja dhe në lartësinë 10-12 m formon një strehë të vogël, pikërisht këtu është piktura shkëmbore. Ajo është bërë në një sipërfaqe relativisht të madhe të shkëmbit (11 m x 5.30 m) dhe është e ndarë në dy pjesë. Në të janë vizatuar me bojë të bardhë figura rrathësh me kryq në mes ose vetëm kryqe të veçuar të ruajtur në gjendje të mire. Kjo pikturë daton gjatë epokës pre e protohistorike.
Ajo është nga pikturat shkëmbore më të afërta e më të lehta për tu vizatuar, pasi gjendet 15 km në veri të Tiranës, afër fshatit Herraj.