Pas suksesit të ofrimit të shërbimit “Free Wi-Fi” në sheshin “Skënderbej”, Bashkia e Tiranës ka startuar nismën “Tirana Smart City” për ofrimin e internetit falas edhe në kampusin e “Qytetit Studenti”. Të gjithë dhomat e studentëve në të gjitha godinat e këtij kampusi do të jenë të pajisura me internet, ndërkohë që akses do të ofrojnë edhe sallat e leximit,. Për të lehtësuar jetën e studentëve në këtë kampus, Bashkia e Tiranës ka vendosur që shërbimin e internetit flas ta ofrojë edhe në të gjithë ambientet publike.
Kjo nismë e Bashkisë Tiranë dhe e Drejtorisë së Teknologjisë së Informacionit dhe Komunikimit krijon më shumë mundësi studentët, banorë të kësaj rezidnece, për kushte më të lehta studimi duke shfrytëzuar aksesin në internet dhe mundësitë që ai ofron. Nisma të këtij lloji do të vijojn edhe në vazhdim, duke u përpjekur të sjellim për qytetarët e Tiranës shërbime gjithnjë e më inovative. 
Në ambientet e Qytetit Studenti, ky shërbim u mundësua nga kompania Tring.