E ndërtuar në vitin 1971, në këtë varrezë prehen eshtrat e dëshmorëve të kombit dhe heronjve të popullit. Pjesa më e madhe janë varret e të rënëve  që luftuan për lirinë e atdheut  gjatë Luftës së Dytë Botërore, por aty prehen edhe eshtrat aviatorëve dhe policëve të rënë në krye të detyrës në periudhën e pas luftës dhe në kohën e post komunizmit. 
Statuja e bardhë dinamike e Nënës Shqipëri, e vendosur në qendër të kompleksit ,12 metra e lartë, e inauguruar në vitin 1971 vigjilon mbi varret e të rënëve me një pelerinë që ia merr era. 
Pranë Monumentit “Nëna Shqipëri” ndodhet në të djathtë varri Heroit të Popullit Qemal Stafës, varri Heroit të Demokracisë Azem Hajdari, në të majtë ndodhet varri Heroit të Popullit Vasil Shanto dhe varri i 22 viktimave të terrorit komunist të vrarë me pushkatim për ngjarjen e Ambasadës së ish Bashkimit Sovjetik. 
Dita e Nderimit të Dëshmorëve të Kombit është caktuar 5 Maji, datë në të cilën ka rënë Qemal Stafa.
Në vitin 1985 në këmbët e saj  u varros ish diktatori komunist Enver Hoxha, të cilin në vitin 1992 e larguan prej këtu për ta rivarrosur në një varrezë të zakonshme në anën tjetër të qytetit.