Ky memorial përkujton viktimat e regjimit komunist në Shqipëri. Memoriali përmban një pjesë të murit të Berlinit, një bunker në formë kërpudhe  dhe disa shtylla nga kampi famëkeq i Spaçit.
Memoriali është vepër e shkrimtarit dhe ish-disidentit politik, Fatos Lubonja si dhe e piktorit Ardian Isufi.

Pjesa e murit prej 2.6 ton e mbuluar me grafite është dhuratë nga qyteti i Berlinit. Shtyllat e betonit vijnë nga miniera në Spaç, ku mbaheshin të burgosur dhe kryenin dënimin me punë të detyruar shumë kundërshtarë të regjimit komunist.

Ndërsa bunkeri ka qene aty për të ruajtur  hyrjen kryesore të bllokut rezidencial të ndarë nga pjesa tjetër e qytetit, ku  në vitet 1945-1991 jetuan  diktatori i fundit Enver Hoxha dhe  zyrtarët e tjerë më të lartë komunistë.