Agjencia e Industrisë Kreative, Tiranë njofton hapjen e thirrjes së dytë për mbështetjen financiare të projekt propozimeve në fushat e industrisë kreative.

THIRRJA II PËR MBËSHTETJE FINANCIARE TË PROJEKT PROPOZIMEVE NË FUSHAT E INDUSTRISË KREATIVE

Agjencia e Industrisë Kreative, Tiranë me kënaqësi njofton hapjen e thirrjes së dytë për mbështetjen financiare të projekt propozimeve në fushat e industrisë kreative. 
Kjo nismë synon të mbështesë projekte inovative dhe premtuese në sektorin e industrive kreative duke nxitur ekonominë krijuese dhe kreativitetin. 
Në fokus të kësaj thirrje do të jenë:

• Promovimi i inovacionit dhe kreativitetit
• Nxitja e sipërmarrjes kreative 
• Nxitja e ekonomisë krijuese  
• Bashkëpunimit brenda komunitetit të krijuesve.

Vetëm subjektet, organizatat dhe individët që operojnë në sektorin e industrive kreative janë të kualifikuar për të aplikuar. Projektet duhet të tregojnë objektiva të qarta, qendrueshmëri dhe potencial impakti. Do të preferohen projektet që përputhen me qëllimet dhe prioritetet e Agjencisë së Industrisë Kreative Tiranë.
Projekt propozimet e paraqitura NUK DUHET të kenë financime nga Bashkia Tiranë apo Institucione Varësie të Bashkisë Tiranë. 

Afati i Aplikimit:
Thirrja do të qëndrojë e hapur nga data 15 Nëntor deri në datën 30 Nëntor.
Periudha e realizimit të projekteve do të jetë përgjatë muajit Dhjetor 2024.

Mënyra e Aplikimit:
Dokumentacioni dorëzohet në formë të printuar në Zyrën e Protokollit pranë Agjencisë s ë Industrisë Kreative (Rruga "Bardhok Biba", Old Tirana Building, Kati nr.2, Tiranë, Shqipëri) 
Për do paqartësi mund të kontaktoni në adresën e emailit: [email protected] deri në datën 25.11.2024. 
Pas përfundimit të shqyrtimit të aplikimeve, aplikantët do të njoftohen përmes emailit nga AIK.