Bashkia e Tiranës shpall konkursin për realizimin e “Logos dhe Identitetit Vizual të Tiranës si Kryeqyteti Mesdhetar i Kulturës dhe Dialogut 2025”

Detyra e projektimit dhe qëllimi i realizimit

Qëllimi i realizimit të Logos është dhënia Tiranës nga Unioni për Mesdheun të titullit: “Kryeqyteti Mesdhetar i Kulturës dhe Dialogut për vitin 2025”. Ky titull përbën një angazhim shumë të madh për kryeqytetin dhe Bashkinë e Tiranës duke synuar ta kthejë atë në një urë që lidh qytetet dhe kulturat midis vendeve të Rajonit të Mesdheut.

Aktivitetet që do të ndërmerren gjatë vitit 2025 do jenë në fokusin e bashkëpunimit midis gjithë aktorëve kombëtarë e ndërkombëtarë të cilët merren me çështjet e kulturës dhe dialogut.

Nëpërmjet programit për qytetet "Urat e Mesdheut" i cili mbështetet në 4 shtylla kryesore: eksplorimi kulturor, rritja e krijimtarisë artistike, dixhitalizimi i trashëgimisë kulturore dhe turizmi i qëndrueshëm kulturor synohet që Tirana të shndërrohet në kryeqendrën e bashkëpunimit dhe dialogut ndërkulturor si dhe të aktiviteteve midis qyteteve të rajonit euro-mesdhetar.

Logo duhet të shprehë dhe të pasqyrojë imazhin kulturor dhe gjithëpërfshirës të qytetit duke u mbështetur në 4 shtyllat e programit të përmendura më lart duke përdorur ide artistike/inovative në funksion të mbështetjes së kulturës/dialogut në territorin e Bashkisë së Tiranës.

Kriteret dhe udhëzimet

• Logoja duhet të përcjellë mesazh të qartë;
• Të jetë unike dhe bashkëkohore;
• Të japë një ide të plotë, të detajuar të dizajnit të propozuar të frymëzuar nga kultura, arti, arkitektura dhe krijimtaria artistike e Tiranës;
• Të mund të përdoret në materialet promocionale;
• Logoja të jetë me ngjyra;
• Formatet në të cilat duhet të dorëzohet janë:Jpeg, Pdf, Png, Eps, Tiff;

Përdorimi i Logos

• Shkresat zyrtare të Bashkisë Tiranë për vitin 2025;
• Ftesat dhe njoftime të Bashkisë Tiranë për vitin 2025;
• Materiale promovuese dhe objekte promocionale (çanta, stilolapsa, etj);
• Postera;
• Bill boarde; 
• Materiale foto dhe video ne rrjete sociale;

Pjesëmarrësit (aplikantët) në konkurs

• Studentë;
• Disenjatorë me përvojë dhe grafistë profesionistë;
• Artistë;
• Kompani që operojnë në fushën e marketingut dhe dizajnit;

Paraqitja e propozimeve

•   Në forme elektronike 

Dokumentat e nevojshme për konkurim

• E-mail për shprehje interesi;
• CV;
• Karta e idenditetit;
• Fotokopje NIPTI (nëse ka)
• Të paktën dy logo të realizuara më parë;
• Foto të elementeve që keni përdorur si pjesë të logos  dhe mënyra e përzgjedhjes;
• Paraqitje e përdorimeve të mundshme të logos  kartvizita, poster, bluza, etj.  
• Materjale të tjera ku tregohen aplikimet e logos. (e lirë sipas vizionit tuaj);
• Një deklaratë që punimi juaj është origjinal dhe përgjegjësia për të gjitha pasojat nga kopja e idesë.

Kriteret e Vlerësimit

• Përzgjedhja e skicave të kompozimit dhe dizajnit  do të bëhet nëpërmjet vlerësimit sipas kritereve të përcaktuara nga një Juri profesionistësh;.
• Pas përzgjedhjes do të krijohet një listë prej 5 pjesëmarrësish që do të ftohen të marrin pjesë në fazën përfundimtare të Konkursit, nga të  cilët do të jenë 3 fitues (vendi i parë , i dytë dhe i tretë)  që do të marrin çmime;
• Përzgjedhja e pjesëmarrësve si dhe skicave të kompozimit dhe dizajnit, do të bëhet nëpërmjet aplikimit transparent të kritereve të përzgjedhjes dhe vlerësimit;
• Ceremonia e shpalljes së fituesve dhe ndarjes së çmimeve, do të bëhet përgjatë një Konference që do të organizohet nga Bashkia e Tiranës.

Zhvillimi dhe shpallja e konkursit

• Shpallja e konkursit bëhët në datën 1 Nëntor 2024
• Afati përfundimtar për dorëzimin e aplikimeve  është data 30 Nëntor 2024, deri në orën 00:00 ;
• Aplikimet (Propozimet – Dizenjuese) duhet të dërgohen online në adresën e emailit: [email protected]

Çmimet

Vendi i pare: 500 000 lekë
Vendi i dytë: 200 000 lekë
Vendi i tretë: 100 000 lekë

Deklaratë

Çdo person që paraqet një logo duhet të firmosë një deklaratë që vërteton se logoja e tij/saj nuk shkel të drejtat e një palë të tretë dhe nuk dhunon të drejtën e autorësisë së një pale tjetër. Të gjitha të drejtat që rrjedhin nga pronësia intelektuale i përkasin Bashkisë Tiranë dhe autori përjashtohet nga çdo përfitim. Çdo logo e propozuar që merret nga burime të tjera të hapura ose private, si e kopjuar nga projekte të mëparshme përbën shkelje dhe propozimi refuzohet. Do të konsiderohen vetëm ato logo që janë punime origjinale.

Dokumentacioni