Kërkesat për informacion

Për kërkesat për informim, përfshin vendosjen në dispozicion të qytetarëve të informacionit që ka të bëjë me procesin, procedurat, format dhe afatet e kërkesës për informim. Përmbledhja e katër kategorive të informacionit të përcaktuar në nenin 7 (pika c; ç; i; dhe k) të ligjit, në një fushë të vetme, lehtëson aksesin e qytetarëve për këto kategori informacioni, i orienton dhe udhëzon ato se si mund të bëjnë një kërkesë për informim.

Të dhënat e koordinatorit për të drejtën e informimit

Koordinator: Znj. Blerta Goxha
Adresa postare: Bashkia Tiranë, Sheshi Skënderbej, Nd.2, Kodi postar 1001, Tiranë, Shqipëri
Adresa elektronike: blerta.goxha@tirana.al
Numri i telefonit: 0693956147
Orari i punës 08:00 – 16:00.

Detyrat dhe kompetencat e Koordinatorit për të drejtën e informimit

I mundëson çdo kërkuesi të drejtën për t’u njohur me informacionin publik, sipas këtij ligji, duke u konsultuar me dokumentin origjinal ose duke marrë një kopje të tij.
Krijon, mban, publikon dhe përditëson regjistrin e kërkesave dhe përgjigjeve brenda afatit të parashikuar në pikën 1, të nenit 8, të këtij ligji.
Bashkërendon punën për plotësimin e kërkesave për informacione brenda afateve dhe sipas mënyrës së parashikuar në këtë ligj.
Regjistron kërkesat për informacion dhe cakton një numër rendor për secilën prej tyre.
Dërgon kërkesën për informim te një autoritet tjetër publik, brenda afateve të parashikuara në këtë ligj, kur rezulton se autoriteti publik ku është depozituar kërkesa nuk e zotëron informacionin e kërkuar.
Verifikon rastet për dhënien falas të informacionit qytetarëve, sipas parashikimit të pikës 5, të nenit 13, të këtij ligji.
Kryen njoftimet paraprake, sipas neneve 14 dhe 15, të këtij ligji, si dhe komunikon me kërkuesin, sipas nevojës për trajtimin e kërkesës për informacion publik.

Standarde dhe procedura që duhen ndjekur për të bërë kërkesë për informim dhe ankesës

Regjistri i kërkesave dhe përgjigjeve

Vizito Regjistrin e kërkesave dhe përgjigjeve - https://tirana.al/artikull/regjistri-i-kerkesave

Informacion i dhënë më parë

Trajtimi i kërkesave për informacion  

https://tirana.al/artikull/kerkese-per-informacion

https://www.tirana.al/artikull/koordinator-per-te-drejten-e-informimit

Kufizimi i së drejtës së informimit

1. E drejta e informimit mund të kufizohet në rast se është e domosdoshme, proporcionale dhe nëse dhënia e informacionit dëmton interesat e mëposhtëm: 
 a. të drejtën për një jetë private; 
 b. sekretin tregtar; 
 c. të drejtën e autorit; 
 d. patentat. 
Kufizimi i së drejtës së informimit, për shkak të interesave të parashikuar në shkronjat “a”, “b”, “c” dhe “ç”, të kësaj pike, nuk zbatohet kur titullari i këtyre të drejtave ka dhënë vetë pëlqimin për dhënien e informacionit përkatës ose kur në momentin e dhënies së informacionit ai është konsideruar autoritet publik në bazë të parashikimeve të këtij ligji. Pavarësisht nga sa parashikohet në këtë pikë, informacioni i kërkuar nuk refuzohet në rast se ekziston një interes publik më i lartë për dhënien e tij. 

2. E drejta e informimit kufizohet në rast se është e domosdoshme, proporcionale dhe nëse dhënia e informacionit shkakton një dëm të qartë dhe të rëndë ndaj interesave të mëposhtëm: 
 a) sigurinë kombëtare, sipas përkufizimit të bërë nga legjislacioni për informacionin e klasifikuar;
 b) parandalimin, hetimin dhe ndjekjen e veprave penale; 
 c) mbarëvajtjen e hetimit administrativ në kuadër të një procedimi disiplinor; 
 ç) mbarëvajtjen e procedurave të inspektimit dhe auditimit të autoriteteve publike; 
 d) formulimin e politikave monetare dhe fiskale të shtetit; 
 dh) barazinë e palëve në një proces gjyqësor dhe mbarëvajtjen e procesit gjyqësor; 
 e) këshillimin dhe diskutimin paraprak brenda ose midis autoriteteve publike për zhvillimin e politikave publike; 
 ë) mbarëvajtjen e marrëdhënieve ndërko-mbëtare ose ndërqeveritare.
Pavarësisht nga sa parashikohet në paragrafin e parë, të pikës 2, të këtij neni, informacioni i kërkuar nuk refuzohet në rast se ekziston një interes publik më i lartë për dhënien e tij. Kufizimi mbi të drejtën e informimit, për shkak të interesit të parashikuar në pikën 2, shkronjat “c” dhe “ç”, të këtij neni, nuk zbatohet kur hetimi administrativ, në kuadër të një procedimi disiplinor, dhe procedurat e inspektimit e të auditimit të autoriteteve publike kanë përfunduar. Kufizimi mbi të drejtën e informimit, për shkak të interesit të parashikuar në pikën 2, shkronjat “d” dhe “dh”, të këtij neni, nuk zbatohet kur të dhënat përkatëse janë fakte, analiza të fakteve, të dhëna teknike ose të dhëna statistikore. Kufizimi mbi të drejtën e informimit, për shkak të interesit të parashikuar në pikën 2, shkronja “e”, të këtij neni, nuk zbatohet pasi politikat janë bërë publike. 

3. E drejta e informimit kufizohet, nëse është e domosdoshme, proporcionale dhe në qoftë se përhapja e informacionit do të shkelte sekretin profesional të garantuar nga ligji. 

4. E drejta e informimit kufizohet edhe kur, pavarësisht nga ndihma e dhënë nga autoriteti publik, kërkesa mbetet e paqartë dhe bëhet i pamundur identifikimi i informacionit të kërkuar. 

5. E drejta e informimit nuk refuzohet automatikisht kur informacioni i kërkuar gjendet në dokumente të klasifikuara “sekret shtetëror”. Në këtë rast, autoriteti publik, të cilit i është dërguar kërkesa për informim, fillon menjëherë procedurën e rishikimit të klasifikimit pranë autoritetit publik që ka urdhëruar klasifikimin, sipas ligjit nr. 8457, datë 11.2.1999, “Për informacionin e klasifikuar “sekret shtetëror””, të ndryshuar. Autoriteti publik njofton menjëherë kërkuesin për fillimin e procedurës për rishikimin e klasifikimit, sipas ligjit, dhe vendos shtyrjen e afatit për dhënien e informacionit brenda 30 ditëve pune. Në çdo rast, vendimi për trajtimin ose jo të kërkesës për informim merret dhe arsyetohet në bazë të kritereve të këtij neni. 

6. Nëse kufizimi prek vetëm një pjesë të informacionit të kërkuar, pjesa tjetër nuk i refuzohet kërkuesit. Autoriteti publik tregon qartë pjesët e dokumentacionit përkatës që janë refuzuar, si dhe në bazë të cilës pikë të këtij neni është bërë ky refuzim. Dispozitat e këtij neni zbatohen edhe për njohjen me informacionin arkivor të çdo lloji, pavarësisht nga parashikimet e ligjit për arkivat.

Tarifa për dhënien e informacionit nëse ka

Informacionet dhe dokumentet që kërkohen shpesh

Gjatë vitit 2019, kërkesat për informacion drejtuar Bashkisë Tiranë, janë të fushave dhe tematikave të ndryshme.  Në përgjithësi, të gjitha informacionet apo dokumentet që kërkohen, janë të lidhura me buxhetin e bashkisë, informacion i cili gjendet në faqen https://www.tirana.al/kategoria-e-publikimit/buxheti.
 
Informim në lidhje me shërbimin e transportit urban në disa linja qytetëse të Bashkisë Tiranë dhe procedurat e aplikimeve ku si informacion mund të gjendet në faqen https://www.tirana.al/artikull/plani-i-pergjithshem-vendor. 

Informim në lidhje me Planin e Detajuar Vendor dhe Planin e Përgjithshëm Vendor për zona të caktuara në qytetin e Tiranës, ku si informacion mund të gjendet në faqen https://www.tirana.al/artikull/plani-i-pergjithshem-vendor. 

Informacion për format e shërbimin të strehimit dhe shërbimeve sociale në strukturat komunitare për kategoritë në nevojë, ku si informacion mund të gjendet nëpërmjet linkut https://www.tirana.al/sherbimi/strehimi dhe https://www.tirana.al/sherbimi/sherbimi-social. 

Kërkesa për vënie në dispozicion kopje të njehsuar me origjinalin të dokumentave të ndryshme në Bashkinë Tiranë.

Kërkesa për informacion në lidhje me taksat dhe tarifat vendore të Bashkisë Tiranë të cilat mund të gjenden nëpërmjet linkut https://www.tirana.al/sherbimi/taksa-dhe-tarifa-vendore të Bashkisë Tiranë dhe në linkun https://dpttv.gov.al/  të Drejtorisë së Përgjithshme të Taksave dhe Tarifave Vendore Tiranë. 

Informim për numrin e punonjësve të Bashkisë Tiranë dhe drejtorinë/ndërmarjet e varësisë,  ku si informacion mund të gjendet në linkun https://www.tirana.al/struktura-organizative. 
Kërkesa për informacion në lidhje me Projektin e Bulevardit të Ri të Tiranës, ku si informacion mund të gjendet nëpërmjet linkut https://www.tirana.al/artikull/masterplani-i-bulevardit-te-ri. 
Kërkesa për informacion në lidhje e Pyllin Orbital të Tiranës, harta, rregullore dhe llojet e bimësisë ku si informacion mund të gjendet nëpërmjet linkut https://www.tirana.al/artikull/pylli-orbital-i-tiranes.