Shpërndaje
Njoftim për zhvillimin e proçedurës konkurruese për marrje ambjenti me qira për ushtrimin e aktivitetit të shoqërisë “Tirana DC” sh.a, nga data 05.03.2021-09.03.2021, ora 15:00, me qëllim përmbushjen e detyrave dhe funksioneve administrative.
I..Kriteret, specifikimet e ambientit dhe dokumentacioni që kërkohet nga ofertuesi qiradhënës.
1. “Tirana DC” sh.a kërkon të marrë me qira ambjent të përshtashëm për marrje ambjenti me qira për ushtrimin e veprimtarisë të shoqërisë “Tirana DC” sh.a me këto kritere dhe specifikime si më poshtë vijon:
a) Të ketë kushte të plota për të qenë e aksesueshme për qytetarët (të ketë vizibilitet, akses për personat me aftësi të kufizuara);
b) Të ketë tualete, ujë dhe internet;
c) Duhet të ketë kushte sigurie (sistem sigurie, sistem kundër zjarrit);
d) Ambjenti duhet të ketë rreth 800-1000 m2 sipërfaqe në total;
e) Sipërfaqe të tilla në të cilat mund të realizohet mobilim me termin “ëorkspace”;
f) Ndriçim artificial dhe natyral të nevojshëm;
g) Aspirim artificial ose natyral;
h) Ambjentet të jenë të mobiluara dhe të përshtatshme për zyra;
i) Godina të jetë pranë qendrës së Tiranës për të ofruar facilitet,aksesim të lehtë për punonjësit,palët e lidhura dhe institucionet e rëndësishme;
j) Kondicionim;
k) Rrjet elektrik te pershtatshme per pozicione pune publike;
l) Të mos ketë detyrime të prapambetura (të energjisë elektrike,ujë)
m) Kohëzgjatja e qirasë do të jete 1 vit nga momenti i lidhjes së kontratës.
2.Oferta ekonomike duhet të përmbajë:
• Oferta e qiradhënësit që specifikon çmimin mujor të qirasë për m2 sipërfaqe;
• Gent-plani i pasurisë;
Dokumentacioni kualifikues do të jetë:
Ofertuesi duhet të deklarojë se:
a) Është i regjistruar në Qendrën Kombëtare të Biznesit dhe ka në fushën e veprimtarisë objektin e qiradhënies, në rastin kur ofertuesi është një organizatë jofitimprurëse, duhet të deklarojë se është i regjistruar si person juridik, sipas Ligjit Nr.8788, datë 07.05.2001 “Për Organizatat jo Fitimprurëse”;
b) nuk është në proces falimentimi, (statusi aktiv);
c) nuk është dënuar për shkelje penale;
ç) nuk është dënuar me vendim të gjykatës së formës së prerë, për vepra që lidhen me veprimtarinë
profesionale;
d) ka paguar të gjitha detyrimet për pagimin e tatimeve e të kontributeve të sigurimeve shoqërore, sipas legjislacionit në fuqi;
e) Deklaratë mbi konfliktin e interesit;
f) Vetedklarim mbi përmbushjen e specifikimeve teknike nga operatori ekonomik;
g) Kopje të deklarimit të xhiros vjetore gjatë 3 (tri) viteve të fundit nga Administrata tatimore;
h) Vërtetimin që konfirmon shlyerjen e të gjitha detyrimeve të maturuara të energjisë elektrike, ujit;
i) Vërtetim për shlyerjen e taksave vendore;
j) Vëtëdeklarim që subjekti pjësemarrës mbi posedimin e pronës në mënyrë ligjore. Subjekti i cili do të shpallet fitues do të paraqesë dokumnetacionin provues ligjor përpara lidhjes së kontratës
Dokumentacioni i sipërcituar duhet të jetë origjinal ose fotokopje e noterizuar dhe duhet të jetë lëshuar brenda tre muajve nga data e zhvillimit të proçedurës.
4. Dokumentacioni i kërkuar mësipër duhet të jetë i futur në një zarf jo transparent, të mbyllur, të vulosur dhe të firmosur me emrin dhe adresën tuaj. Mbi zarf duhet të jetë shënuar ofertë për marrje me qira ambjent zyrash për ushtrimin e veprimtarisë së shoqërisë “Tirana DC” sh.a.
5.Oferta fituese do të jetë:
• Oferta e cila, në bazë të kritereve dhe kërkesave të përcaktuara në “Njoftimin për Publikim”ose “website-in Zyrtar” plotëson kërkesat e Autoritetit Kontraktor për objektin e kontratës së qiramarrjes me cmimin më të ulët, ose
• Oferta ekonomikisht më e favorshme, bazuar në kriteret dhe kërkesat e përcaktuara në “Njoftimin për Publikim” ose “website-in Zyrtar” nga Autoriteti Kontraktor për objektin e kontratës së qiramarrjes, të shpallur pranë stendave të Bashkisë Tiranë.
Shkarko
Shpërndaje