THIRRJE PUBLIKE PËR ORGANIZATAT E SHOQËRISË CIVILE PËR DORËZIMIN E PROJEKT PROPOZIMEVE NË PROGRAMIN “KUJDESI SOCIAL PËR FAMILJET DHE FËMIJËT”

THIRRJE PUBLIKE PËR ORGANIZATAT E SHOQËRISË CIVILE PËR DORËZIMIN E PROJEKT PROPOZIMEVE NË PROGRAMIN “KUJDESI SOCIAL PËR FAMILJET DHE FËMIJËT”

Bashkia Tiranë hap thirrjen për projekt-propozime në programin “Kujdesi Social për Familjet dhe Fëmijët” me Mbështetje Sociale për Kategoritë në Nevojë. Qëllimi i përgjithshëm i programit është përmirësimi i cilësisë së jetesës së kategorive në nevojë. Ky program përmban projekte dhe përkujdesje në realizimin e këtyre projekteve inovative me karakter social që kanë në  fokus: fëmijët, të rinjtë, personat me aftësi ndryshe, të moshuarit në nevojë, fuqizimin social dhe stabilitetin ekonomik të gruas kryefamiljare dhe grave në nevojë nëpërmjet zgjerimit të rrjetit të përkujdesjes sociale të mundësuara nga Drejtoria e Përgjithshme e Shërbimeve Sociale, Bashkia Tiranë.

Bashkia Tiranë fton të gjitha Organizatat e Shoqërisë Civile (OSHC-të) në Tiranë që të paraqesin projekt-propozime që janë në përputhje me projektet për mbështetje sociale të përkujdesjes për kategoritë në nevojë në “Programin e Kujdesit Social për Familjet dhe Fëmijët” të përcaktuara më poshtë:

1.    Përkujdesje për të moshuar
2.    Përkujdesje për aftësinë e kufizuar, ndërhyrje të hershme për fëmijët dhe mbështetje për rritjen e autonomisë së personave me PAK mbi 25 vjeç
3.    Përkujdesje në mbështetje të të rinjve
4.    Përkujdesje për kategoritë në nevojë
5.    Mbështetje për individët përdorues të substancave narkotike.

Të gjitha organizatat e shoqërisë civile të interesuara mund të gjejnë informata të hollësishme rreth kushteve për aplikim si dhe për kriteret për financimin e projekteve në Udhëzimin për Aplikant, që është pjesë përbërëse e dokumentacionit të thirrjes publike. 
Shuma e fondit për projektet e miratuara në total do të jetë 21,000.000 Lekë. Kohëzgjatja e secilit projekt do të jetë deri në 12 muaj. 

Dokumentacioni i aplikimit për thirrjen publike të Bashkisë Tiranë do të jetë i disponueshëm nga data 12.10.2020. Një version elektronik i paketës së aplikimit mund të gjendet edhe në web-faqen zyrtare të Bashkisë (http://www.tirana.al).

Thirrja për projekt-propozime hapet ditën e hënë, datë 12.10.2020 dhe mbyllet ditën e hënë, datë 09.11.2020, ora 16.00.