URBACT "LETS' GO CIRCULAR"

Bashkia Tiranë ka nënshkruar një marrëveshje bashkëpunimi me URBACT i cili është një program i financuar nga Bashkimi Evropian.  Sëbashku me disa qytete europiane është ndërmarrë nisma për të promovuar zhvendosjen drejt një qyteti me ekonomi qarkulluese. Qytetet mund të mësojnë shumë nga përvojat e njëri-tjetrit si dhe mund të ndajnë ide rreth iniciativave dhe strategjive afatgjata si në nivel evropian dhe lokal. Meaxhimi i situates në qytete ka nevojë për aftësitë e duhura për të bërë ndryshime pozitive dhe për të nxitur praktika më të integruara dhe pjesëmarrëse. Kjo është arsyeja pse URBACT propozon aktivitete dhe mjete për ngritjen e kapaciteteve për përfaqësuesit e qytetit dhe profesionistët urbanë. 

Projekti fitues "LETS' GO CIRCULAR", synon  të sjellë qytetarë, biznese, dhe shoqata në një tavolinë të përbashkët për të zhvilluar strategji dhe projekte që promovojnë ekonominë qarkulluese në qytetin tonë. Kohëzgjtja e projektit do të jetë deri në vitin 2025. Ky projekt do të fokusohet në reduktimin e mbetjeve, përdorimin efikas të burimeve, rritjen e ndërgjegjësimit për konsumimin dhe prodhimin e qëndrueshëm. 

Pasi u konfirmua se qyteti i Tiranës është project partner në këtë projekt, Universiteti URBACT 2023 zhvilloi në muajin Gusht një takim me përfaqësuesit aktualë të qyteteve URBACT nga e gjithë Evropa.  Me këtë takim nisi dhe zbatimi i projektit nga URBACT duke orientuar përfaqësuesit e qyteteve për hapat e ardhshëm të zbatimit të projektit. Pjesëmarrësit zhvilluan aftësitë e tyre profesionale dhe u njohën me një sërë mjetesh të dobishme për të zhvilluar Planin e Integruar të Veprimit dhe forcuan aftësitë e tyre në hartimin e politikave pjesëmarrëse dhe të integruara.
Tirana ishte e pranishme në këtë takim nëpërmjet, stafit të drejtorisë së Përgjithshme të Mjedisit dhe Zhvillimit të Qëndrueshëm.
Në kuadër të zbatimit të projektit, Tirana ka krijuar një grup pune lokal i cili do të zhvillojë takime të herë pas hershme për të diskutuar mbi mundësitë e zhvillimit të projektit në mënyrë sa më gjithëpërfshirëse. Aktualisht, grupi i punës ka njoftuar grupet e interesit për të zhvilluar një takim informues dhe orientues rreth projektit, ku do t’u kërkohet gjithashtu mbështetje dhe bashkëpunim për arritjen e objektivave, veçanërisht duke dhënë këndvështrimin e tyre mbi informacionet dhe sfidat me të cilat përballen gjatë punës.
Ajo çka synohet të arrihet nga grupi i punës nëpërmjet nënshkrimit të kësaj marrëveshje bashkëpunimi dhe zhvillimit të takimeve është të kontribuojë në politikat lokale, të cilat do të pasqyrohen në hartimin e Planeve të Integruara të Veprimit.” 

Takimi i parë i projektit të "LET'S GO CIRCUAR!" u zhvillua në Mynih në fund të shtatorit, ku ndër të tjera, u prezantuan Pakti i Mynihut për Klimën dhe programi Ökoprofit, në të cilin marrin pjesë kompanitë Wiesn, si dhe masat qendrore për ripërdorimin dhe shmangien e mbetjeve, si ndalimi i enëve të tavolinës njëpërdorimshme që nga viti 1991. Gjatë një vizite studimore, partnerët e projektit u njohën me start-upin Tozero me bazë në Mynih dhe fituan njohuri mbi fabrikën e tyre të riciklimit të baterive, e cila është unike në Evropë.
Rrjeti i Planifikimit të Veprimit i financuar nga URBACT i hap rrugën një tranzicioni të qëndrueshëm, të drejtë dhe produktiv të qyteteve. Dhjetë qytete partnere dhe palët e tyre të interesuara zhvillojnë qasje të integruara për zonat urbane.